Our Products
Household Level ICS: 2-Pot Hole Mud Stove ( घरायसी मातृभूमि सुधारिएको २ मुखे चुलो )
मातृभूमी सुधारिएको चुलो
सुधारिएको चुलो एक साधारण प्रविधि हो जसले अत्यन्तै कम दाउरा खपत गरी अधिक तापिय उर्जा दिनुका साथै घर भित्र र बाहिरको हानिकारक धुवा प्रदूषणलाई न्यूनीकरण गर्दछ । मातृभूमी सुधारिएको चुलो प्रयोगबाट स्वास्थमा मात्र नभई विविन्न वातावरनिय, सामाजिक र आर्थिक लाभहरु मिल्दछ । मातृभूमी चुलो बुर्नर र चिमनी युक्त सुधारिएको चुल्हो हो । यो चुलो घरायसी तथा व्यावसायिक दुवै प्रयोजनका लागि अलग–अलग डिजाइनमा बनाउन सकिन्छ ।
मातृभूमी चुलोको संरचना
मातृभूमी चुलोको संरचना सामान्य रुपमा चुलो बनाउने फर्माको प्रयोग गरी स्थानीय श्रोत(साधन जस्तैः ढुङ्गा, माटो, धानको भुस, इट्टाका टुक्रा आदि बाट बनाउन सकिन्छ । यस चुलोमा छुट्टै हावा जाने प्वाल, दाउरा बल्ने भाग, भाडा बसाउने मुख, धुवाँ जाने मार्ग र चिम्नी रहेको हुन्छ । हावा जाने प्वाल को माथिल्लो भाग र दाउरा बल्ने भागको तल फलामे डिस्क बर्नर को प्रयोग हुन्छ । हावा जाने प्वाललाई खरानी निकाल्न र सफा गर्न पनि प्रयोग गरिन्छ । यस्तो चुलो आवस्यकता अनुसार १ वा २ मुखे गरी बनाउन सकिन्छ । यस्ता चुलोहरु नेपाली परिवेशमा अन्य आयातित चुल्हो भन्दा बढि सुहाउदो र सान्दर्भिक हुन्छन् ।
मातृभूमी चुलोको विशेषताहरु
बैज्ञानिक बिधिबाट डिजाइन गरिएको, १० वर्षको ग्यारेन्टी भएको र अधिकतम तहमा सुधारिएको चुलो
पर्याप्त प्रज्जवलन हावा (Secondary Air) प्रदान गर्ने प्वालहरु भएका डिस्क बर्नर (Air Supply Disc Burner) को आविष्कार र नेपाल सरकारको उधोग विभागबाट पेटेन्ट राइट (Patent Right) बौद्धिक सम्पति अधिकार प्रदान भएको
नेपाल सरकारले तोकेको मापदण्ड भन्दा गुणस्तरिय कार्यक्षमता २६ % (High Power Thermal Efficiency) भएको
स्थानीय समुदायले आफ्नो वरपर उपलब्ध श्रोत साधन प्रयोग गरी सजिलै र कम खर्चमा बनाउन सकिने सुधारिएको चुलो
६० % भन्दा बढि दाउराको बचत र उच्च ताप भएको वातावारणमैत्री प्रविधि
२०,००० भन्दा बढि घरहरुमा सुधारिएको चुलो निर्माण भैसकेको तथा बनाउन र मर्मत–सम्भार गर्न सजिलो
आवश्यकता अनुसार कुडो पकाउने, खुवा बनाउने, लोक्ता कागज उद्योगहरु, ठुला मेस र होटलहरु, साना उद्योगहरुको प्रयोजनका लागि सजिलै बनाउन सकिने ।
सुधारिएको चुल्हो प्रविधिका फाइदाहरु
मातृभूमी सुधारिएको चुलोको प्रयोग बाट स्वास्थमा मात्र नभई विभिन्न वातावरणीय, सामाजिक, आर्थिक, लैङ्गीक र अन्य सकारात्मक प्रभावबारे लाभ पुग्दछ ।
हानिकारक धुवाँ प्रदुषणबाट निम्तिने विभिन्न मुटु, फोक्सो र आँखा सम्बन्धी रोगहरु (दम, निमोनिया, फोक्सोको क्यान्सर, मोतिबिन्दु, आदि) को जोखिमलाई न्यूनिकरण गर्दछ र स्वास्थ्य उपचारमा हुने खर्चलाई कम गर्दछ ।
लामो समय खुम्चिएर बसिरहंदा निम्तिने ढाड दुख्ने लगाएत महिलाको आब खस्ने समस्यालाई न्यूनिकरण गर्दछ, साथै, गर्भवती तथा सुत्केरी महिला र शिशुमा पर्ने स्वास्थ्य सम्बन्धि असरलाई न्युनिकरण गर्दछ ।
धुवाको कालो ध्वांसो बाट घरको सौन्दर्य तथा शोभा बिग्रन कम हुन्छ र आगलागीको जोखिम कम गर्दछ ।
घर भित्रको भान्छालाई व्यवस्थित गरि पूर्ण सरसफाईमा मद्धत पुर्याऊदछ । दाउराको ६० % सम्म कम खपत हुनाले वन विनासमा कमी ल्याउनुका साथै दाउरा संकलन गर्दा खर्चिनु पर्ने बहुमूल्य समयको बचत, दाउरा खरिद गर्न लाग्ने खर्च, हरित गृह ग्यास उत्सर्जनमा कमी तथा वनजङ्गल जादा निम्तिन सक्ने दुर्घटनामा कमी ल्याउदछ ।
सुधारिएको चुलोको प्रयोगले भान्छाको वातावरण स्वच्छ र धुवा रहित हुनाले भान्छामा पुरुषको सहभागिता बढाई लैंङ्गिक समानताको सम्भावना स्थापित गर्दछ ।
एयर सप्लाई डिस्क र यसको सिद्धान्त
मातृभूमी सुधारिएको चुलोमा स्वच्छ हावा प्रदान गर्ने एयर सप्लाई डिस्क बर्नर प्रविधि र पर्याप्त उचाई भएको भान्सावाट धुवा बाहिर जाने चिम्नीको प्रयोग हुन्छ । बैज्ञानिक दृष्टीकोणबाट हेर्दा डिस्क बर्नरमा सोली आकारका विभिन्न प्वालहरु (conical holes) भएकाले प्रज्जवलनको बेलामा यसमाथि रहेको इन्धनर दाउरामा पर्याप्त अक्सिजन प्रबाह भई कोइला समेत पूर्ण रुपमा खरानी नहुन्जेल बल्ने भएकाले दाउरामा निकै कमि आउछ । यसरी इन्धनले आवश्यकता अनुसार अक्सिजन पाउने हुदा ढुंग्रीले फुक्नु नपर्ने र धुवा घर तथा भान्सा भित्र नफर्कने हुन्छ । यस्ता खाले सुधारिएको चुलो र फलामे डिस्क बर्नर परिवार संख्या अनुसार ठुलो - सानो बनाउन मिल्दछ ।
रोटि सेक्न मिल्ने मातृभूमि चुलो
( रुकुम, सल्यान लगायत उतराखंड हिमाचलमा पनि लोकप्रिय )
Industrial ICS
नयाँ ICS मोडेल : वासनादार एसेन्सियल तेल बनाउने स्टोभ
( Industrial ICS : Aromatic Essential Oil Extraction Unit )
Lets Work Together Hand in Hand !
हातेमालो गर्दै सहकार्यमा जुटौ | धुवाँ मुक्त नेपाल निर्माण गरौ